Qızları fiziki və mənəvi sağlam olmağa, gələcəyə əmin addımlarla irəliləməyə, cüdo ilə məşğul olaraq beynəlxalq idman arenalarında ölkəmizi təmsil etməyə həvəsləndirmək məqsədi daşıyan “Qızlara ağ yaraşır” sosial layihəsi həm qlobal, həm də ölkə səviyyəsində aktual olan erkən nikah mövzusuna əsaslanır.

Belə ki, “Azercell Telekom” və Azərbaycan Cüdo Federasiyası olaraq cüdo məktəbləri və bölmələri olan bölgələrimizdə yeni kampaniyaya start veririk. 7-14 yaşlı qızları cüdoya yazdırın, onlar da adını tarixə yazsın. Qeydiyyatdan keçən ilk 1000 qız tələbəmizə isə 1000 dəst cüdoqi və 1 ay pulsuz məşq hədiyyəmiz olacaq. Çünki qızlara ağ yaraşır!